Gustatuko litzaizuke doktore-tesi bat egitea Europako landare-osasungintzaren erronka nagusietako bat jorratuta? NEIKER master-prestakuntza duen biozientzietako graduatu bat bilatzen ari da, ikerketa-ibilbidea patataren gaitz emergenteei buruzko proiektu aitzindari batean parte hartuz egin nahi duena.

Hurrengo lau urteetan, Candidatus Phytoplasma solani aztertzen lan egingo duzu. Mikroorganismo horrek patatan stolbur izeneko gaitza eragiten du. Europako zenbait herrialdetan gero eta gehiago agertzen ari da, klima-aldaketaren eta gaixotasunaren bektore diren intsektuak hedatzearen ondorioz. Zure ikerketak laboreak babesteko monitorizazio, diagnostiko eta erabilera jasangarriko tresna berriak garatzen lagunduko du.

Zein izango da zure lana?

Doktore-tesi bat egingo duzu, laborategiko lana, landa-laginketak eta analisi bioinformatiko aurreratua konbinatuta. Besteak beste, jarduera hauetan parte hartuko duzu:

• Landareetan eta bektore diren intsektuengan patogenoa detektatzeko metodo azkar eta jasangarriak garatzea.
• Nekazaritzako lursailak eta ekosistema naturalak monitorizatzea, erreserborioak eta gaixotasuna barreiatzeko bideak identifikatzeko.
• Fitoplasmaren dibertsitate genetikoa aztertzea, sekuentziazio- eta genomika-tekniken bidez.
• Candidatus Phytoplasma solaniren lehen pangenoma eraikitzea, haren bilakaera eta egokitze-mekanismoak hobeto ulertzeko.
• Laboreak babesteko estrategiak eta ordezko tratamenduak ebaluatzea, intsektiziden erabilera murriztea ahalbidetzeko.
• Emaitza zientifikoak argitaratzea eta EHUri lotutako doktore-tesi bat egitea.

Zer eskaintzen dizugu?

• Doktoratu aurreko 4 urteko kontratu bat, doktore-tesi bat egiteko.
• NEIKERen Landareen Ekoizpen eta Babeseko taldean sartzea, Arkautin (Araba).
• Prestakuntza espezializatua biologia molekularraren, genomikaren, bioinformatikaren eta landare-osasunaren alorretan.
• Landare-izurriteak aztertzeko akreditatutako laborategietan, segurtasun biologiko handiko berotegietan eta askotariko egoera agroklimatikoak dituzten finka esperimentaletan aritzeko aukera.
• Konputazio aurreratuko azpiegiturak erabiltzea eskala handiko analisi genomikoetarako.
• Nazioarteko erreferentzia-zentroetan ikerketa-egonaldiak egiteko eta biltzar zientifikoetan parte hartzeko aukera.
• Patata-laborantzaren jasangarritasunean eta lehiakortasunean eragin zuzena duen ezagutza sortzeko aukera.

Bilatzen ari garen profila

Biologiako, Bioteknologiako, Ingurumen Zientzietako, Agronomiako, Farmaziako, Giza Nutrizioko, Elikagaien Teknologiako, Baso Ingeniaritzako, Matematikako edo biozientziekin lotutako beste titulazio batzuetako unibertsitate-ikasketak amaitu berri dituzten edo amaitzear dituzten pertsonak.