Sektorearentzat berritzen
Nekazaritza eta abeltzaintza ustiategiak osatzen dituzten elementuei buruzko proba analitikoak egitea ezinbesteko faktorea da kalitatea, kontserbazioa eta segurtasuna lortzeko, bai eta eraginkortasun ekonomikoari eta iraunkortasunari dagokienez sektorea garatzeko ere.
NEIKERek 25 urte baino gehiago daramatza analisi horiek egiten abeltzaintzako ustiategien osasun egoera, nekazaritzan pestiziden erabilera, animalien elikaduran hondakinen presentzia eta esnean patogenoen presentzia, behi birusen existentzia eta abar egiaztatzeko, funtsezko helburu batekin: ustiategien osasuna bermatzea eta euskal nekazaritza sektoretik datozen elikagaien segurtasuna eta kalitatea egiaztatzea.
Horretarako, kualifikazio handiko 30 profesionalek baino gehiagok osatutako taldea eta azken belaunaldiko hiru laborategi ditugu, nekazaritzako elikagaien sektoreari zerbitzu analitikoak eta aholkularitza espezializatua eskaintzeko, eta, hala, hauek bermatzeko:
- Abeltzaintza ustiategien osasuna
- Elikagaien segurtasuna eta kalitatea
- Euskal nekazaritza sektorearen errentagarritasun handiagoa
Aholkularitza espezializatuarekiko konpromisoa.
Lagin edo akreditazio bat gure edozein laborategitara bidaltzeko jarraitu beharreko jarraibideak deskarga ditzakezu. Era berean, bete eta laginarekin batera erantsita bidali beharreko fitxak aurkituko dituzu.
Zerbitzu analitikoak
Arkautiko (Araba) eta Derioko (Bizkaia) gure egoitzetan daude eskuragarri
Animali osasunaren laborategia
Animali osasunaren laborategia
- Animalia gaixotasunen diagnostikoa: hausnarkarien ugalketa gaixotasunak, mikobakteriosia (tuberkulosia eta paratuberkulosia), hausnarkarien gaixotasun birikoak (IBR, BVD, Border-disease, Maedi-Visna…) edo txerri leptospirosia.
- Hazitarako behien osasun kontrola.
- Pentsu eta lehengaien mikrobiologia.
- Esnean dauden patogenoak detektatzea.
Baliabide naturalen kontserbaziorako laborategia.
Baliabide naturalen kontserbaziorako laborategia.
- Lurraren Emankortasunaren Analisia
- Landareen Nutrizio Analisia
- Ongarriketa Gomendioa
Landare osasunaren laborategia
Landare osasunaren laborategia
- Landatzeko eta kontsumorako patataren ziurtagiria.
- Hazien araztasun, zenbaketa, ernetze eta bideragarritasun saiakuntzak.
- Berrogeialdiko organismoak detektatzea.
- Onddoek, bakterioek, birusek eta nematodoek landareetan eragindako gaixotasunak diagnostikatzea.
- Landare espezieen barietateak identifikatzea (patata, piperra, tomatea…).
Segurtasun handiko instalazioak
Segurtasun handiko bi instalazio. Orotara, 1.520 m2-ko azalera hartzen dute.
Honako hauek ditugu: mikrobiologia eta immunologiako laborategi bat, biosegurtasuneko 3. mailako laborategi bat (BSL-3), biosegurtasuneko 2. eta 3. mailetako animaliekin esperimentatzeko instalazio batzuk, biosegurtasuneko 2. mailako landare saiakuntzarako berotegi bat, kromatografia eremu bat, biologia molekularreko eremuak, kimika analitikoko eremu bat eta landare analisirako laborategi bat.
Azpiegiturak
Segurtasun azpiegitura horiez gainera, ekipamendu esperimentala dugu, gure lan zientifikoa gauzatzeko oso lagungarria baitzaigu.
Alerta Biologikoko Laborategi Sarea (RE-LAB)
NEIKER Alerta Biologikoko Laborategi Sareko (RE-LAB) kidea da 2016. urteaz gero.
Gobernu zentraleko lehendakaritzak sustatzen du sare hori. Carlos III.a Osasun Institutuak koordinatzen du, eta sareari esker, Krisi Egoerak Gidatzeko Sistema Nazionalak eragile biologiko arriskutsuen mehatxuei aurre egiten lagunduko dion oinarrizko azpiegitura zientifikoa eta teknikoa eduki dezake.
ENACek NEIKERentzat egiaztatutako saiakuntza guztiak deskargatu eta kontsulta daitezke.
Informazio gehiago nahi duzu?
Esperientzia handiko talde bat dugu zure zerbitzura.