Abeltzaintzako infekzioak kontrolatzeko, antibiotikoak erabiltzeko alternatibak garatu behar dira, mikrobioen aurkako erresistentzien hazkundeak, araudiaren murrizketa gero eta handiagoak eta tratamendu horiei lotutako ingurumen-inpaktua areagotzen ari baitira. Testuinguru horretan, proiektu honek jatorri biologikoko immunoestimulatzaileak garatu eta ebaluatzea proposatzen du zuhaitz-azalaren estraktuetatik, mikroalgetatik eta nekazaritza- eta elikadura-sektoreko azpiproduktuetatik eratorritako produktu mikrobianoetatik abiatuta.

Konposatu horiek immunitate entrenatua sustatzeko eta abereek abeltzaintzan garrantzia duten patogenoen aurrean dituzten defentsa naturalak indartzeko duten gaitasuna zehaztuko da, tratamendu antibiotikoen beharra murrizten lagunduz.

Horretarako, in vitro, ex vivo eta in vivo ikerketak konbinatzen dituen estrategia esperimental mailakatua gauzatuko da. Lehenengo fasean, jarduera immunomodulatzailea duten eta berezko erantzun immunitarioa estimulatzeko gai diren konposatu seguruak identifikatuko dira. Ondoren, hautagai itxaropentsuenak hautatuko dira, eta bakterio-infekzioetatik babesteko duten eraginkortasuna ebaluatuko da eredu esperimentaletan zein hausnarkarietan, eta prebentzio- eta terapia-tresna gisa duten potentziala baliozkotuko da.

Emaitzei esker, hausnarkarien osasuna, eta gaixotasun infekzioso nagusien aurrean duten erresilientzia hobetzeko irtenbide jasangarri berriak identifikatu ahal izango dira, abeltzaintza-ekoizpen jasangarriagoa sustatuz eta antibiotikoekiko mendekotasuna murriztuz.

Bilatzen ari garen profila

Unibertsitate-diziplina hauetako batean lizentziatura,diplomatura edo gradua izatea: Genetika, Agronomia, Biologia Zientziak, Biokimika, Bioteknologia, Farmazia, Albaitaritza, Elikagaien Teknologia edo biozientziekin zerikusia duten beste unibertsitate-diziplina batzuk baloratuko da.

Informazio eta eskaera gehiago

• EHAAko argitalpena: azaroaren 6a
• Eskaerak aurkezteko epea: 2026ko azaroaren 7tik abenduaren 7ra, biak barne.
• Eskaerak: ikertalent 2026