Gustatuko litzaizuke doktore-tesi bat egitea aziendaren gaixotasunak prebenitzeko modua eraldatu nahi duen Europako proiektu batean? NEIKER biozientzietan trebatutako pertsona bat bilatzen ari da, animalia-ekoizpenean antibiotikoekiko mendekotasuna gutxitzen duten irtenbide berritzaileak sortzeko interesa duena.

Heldu diren lau urteetan, landare-baliabideetatik, mikroorganismoetatik eta nekazaritzako elikagaien azpiproduktuetatik lortutako immunoestimulatzaile naturalen garapenean lan egiten duen ikerketa-talde bateko kide izango zara. Helburua da animalien immunitate-sistema indartzea eta abeltzaintzan ohikoak diren gaixotasunak prebenitzea, One Health estrategiarekin bat datozen ikuspegien bidez.

Zein izango da zure lana?

Mikrobiologia, immunologia eta animaliekiko esperimentazioa uztartzen dituen doktore-tesi bat egingo duzu. Besteak beste, jarduera hauetan parte hartuko duzu:

• Landare-estraktuak, mikroalgak eta produktu bakterianoak ebaluatzea, antibiotikoen alternatiba modura.
• Hausnarkariengan, mastitisa, arnas infekzioak, digestio-nahasmenduak eta bestelako gaixotasunak aztertzea.
• Immunologia zelularreko saiakuntzak egitea, konposatu horiek animalien defentsa naturalak nola aktibatzen dituzten aztertzeko.
• Eredu esperimentalak garatzea, immunoestimulatzaile berriek zenbait patogenoren aurka duten eraginkortasuna baliozkotzeko.
• Entrenatutako immunitateari eta ganaduaren erresilientzia sanitarioa hobetzeko estrategia berriei buruz ikertzea.
• Emaitzak analizatzea eta nazioarteko artikulu zientifikoak argitaratzea.

Zer eskaintzen dizugu?

• Doktoratu aurreko 4 urteko kontratu bat, doktorego-tesi bat egiteko Horizon Europe europar programak finantzatutako proiektu batean.
• NEIKERen Animalia Zientziako lantaldean sartzea, Derion (Bizkaia).
• Immunologian, mikrobiologian, animalien osasunean eta antibiotikoen ordezkoen garapenean espezializatutako prestakuntza.
• Mikrobiologiako, immunologiako eta biologia molekularreko laborategi aurreratuetan jarduteko aukera, baita biosegurtasuneko animaliategietan ere.
• Mikrobioen aurkako erresistentzien aurkako borrokan eragin zuzena duen ikerketa batean parte hartzeko aukera.
• Biltzar zientifikoetan, nazioarteko argitalpenetan eta abeltzaintza-sektorera transferitzeko jardueretan parte hartzea.

Bilatzen ari garen profila

Biologiako, Bioteknologiako, Ingurumen Zientzietako, Agronomiako, Farmaziako, Giza Nutrizioko, Elikagaien Teknologiako, Baso Ingeniaritzako, Matematikako edo biozientziekin lotutako beste titulazio batzuetako unibertsitate-ikasketak amaitu berri dituzten edo amaitzear dituzten pertsonak.

Informazio eta eskaera gehiago

Laster…