NEIKERek talentua, jakin-min zientifikoa eta ikasteko gogoa duten gazteak erakarri nahi ditu Eusko Jaurlaritzaren IKERTALENT beka-programen bidez.

Helburua da goi-mailako prestakuntza-esperientzia eskaintzea, erreferentziazko ikerketa-ingurune batean; izan ere, zientzia benetako irtenbide bihurtzen da bertan, nekazaritza, abeltzaintza, basogintza eta ingurumen-kudeaketa jasangarriagoak lortze aldera.

Bi beka mota

Hainbat profil eta interes profesionaletara egokitzeko, NEIKERek bi beka-modalitate ditu.

• Teknologoentzako bekak. Beka hauek ikerketa aplikatuan esperientzia praktikoa eskuratu nahi dutenentzat pentsatuta daude, eta benetako proiektu zientifikoetan erabiltzen diren teknika, metodologia eta tresnetan trebatzeko aukera ematen dute. Parte-hartzaileak diziplina anitzeko lantaldeekin lankidetzan arituko dira, eta bertatik bertara ezagutuko dute ikerketa goi-mailako zentro teknologikoetan nola kudeatzen den.
• Doktoratu aurreko bekak. Doktorego-tesia egin eta ikertzaile-ibilbideari ekin nahi diotenentzako bekak dira. Modalitate honek arlo zientifiko jakin batean sakontzeko eta Estatuko nahiz nazioarteko proiektuetan parte hartzeko aukera ematen du, baita elikadurarekin, osasunarekin, ingurumenarekin eta jasangarritasunarekin lotutako erronka globalei aurre egiten laguntzeko ezagutza sortzeko aukera ere.

Eskaintza eskuragarria

Kontsultatu teknologiako eta doktoretza aurreko beken deialdi irekiak, eta ezagutu nola bihurtu NEIKEReko ikertzaileen hurrengo belaunaldiko kide.

• EHAAko argitalpena: azaroaren 6a
• Eskaerak aurkezteko epea: 2026ko azaroaren 7tik abenduaren 7ra, biak barne.