Lagundu nahi al duzu basoak klima-aldaketaren erronketatik eta gaitz emergenteetatik babesten? NEIKER biozientzietako tituludun bat bilatzen ari da, lanbide-karrera ikerketa aplikatuko proiektu batean, basoen osasuna eta berrikuntza teknologia oinarri hartuta, egin nahi duena.

Hurrengo bi urteetan, diziplina anitzeko talde bateko kide izango zara. Talde horren lana baso-gaixotasunak goiz detektatzeko tresna berriak garatzea da. Proiektuak mikrobiologia, biologia molekularra, espektro-analisia eta adimen artifiziala uztartzen ditu, basoetako zuhaitz eta landareetan infekzioak identifikatzeko, sintoma ikusgarriak agertu baino lehen.

Zein izango da zure lana?

Aktiboki parte hartuko duzu proiektuaren zenbait fasetan, laborategiko lana, mintegi eta basoetako jarduerak eta datuen analisi aurreratua konbinatuta. Besteak beste, zeregin hauetan lagunduko duzu:

• Basoko gaitzak ebaluatzea hazietan, plantuletan eta zuhaitz helduetan.
• Datu fisiologikoak eta espektro-datuak atzitzea eta aztertzea, monitorizazio-teknologia berritzaileen bitartez.
• Teknika mikrobiologikoak eta molekularrak aplikatzea patogenoak atzemateko.
• Adimen artifizialean oinarritutako predikzio-ereduak garatzea eta baliozkotzea, infekzioak goiz identifikatzeko.
• Tresnak eta protokoloak sortzea, mintegiei eta baso-kudeatzaileei gaitzen hedapena prebenitzen laguntzeko.

Zer eskaintzen dizugu?

• 2 urteko prestakuntza-programa.
• NEIKERek Arkautiko (Araba) Nekazaritzako Elikagaien Campusean duen ikerketa-taldean sartzea.
• Prestakuntza praktikoa baso-osasunean, biologia molekularrean, analisi espektralean eta adimen artifizial aplikatuan.
• Mikrobiologian eta biologia molekularrean espezializatutako laborategietan jarduteko aukera, bai eta espektrofotometriako ekipamendu aurreratua eta kamera hiperespektralak erabiltzekoa ere.
• Baso-ekosistemen babesarekin eta jasangarritasunarekin lotutako erreferentziako proiektuetan parte hartzeko aukera.
• Argitalpen zientifikoetan, transferentzia-jardueretan eta kongresu espezializatuetan parte hartzea.

Bilatzen ari garen profila

Biologiako, Bioteknologiako, Ingurumen Zientzietako, Agronomiako, Farmaziako, Giza Nutrizioko, Elikagaien Teknologiako, Baso Ingeniaritzako, Matematikako edo biozientziekin lotutako beste titulazio batzuetako unibertsitate-ikasketak amaitu berri dituzten edo amaitzear dituzten pertsonak.

Informazio eta eskaera gehiago

Laster…