Interesatzen zaizu ikerketa aplikatua, abeltzaintza-sektorearen erronka handietako bati —alegia, elikagaiak era efizienteago eta jasangarriago batean ekoiztea— aurre egiteko? NEIKER biozientzietako tituludun bat bilatzen ari da, lanbide-karrera animalia-nutrizioaren eta jasangarritasunaren arloko proiektu berritzaileetan parte hartuz egin nahi duena.

Hurrengo urteetan, hausnarkarien nutrizioan eta metabolismoan espezializatutako ikerketa-talde bateko kide izango zara. Talde horrek elikadura-estrategia berriak garatzen eta baliozkotzen lan egiten du, ardien eta behien ekoizpen-efizientzia hobetzeko eta, aldi berean, abeltzaintzari lotutako metano-emisioak murrizteko.

Zein izango da zure lana?

Proiektuaren fase guztietan parte hartuko duzu, laborategiko saiakuntzetatik animalietan baliozkotu arte. Besteak beste, zeregin hauetan lagunduko duzu:

• Gehigarriak eta nutrizio-estrategiak ebaluatzea, errumeneko hartzidura hobetzeko.
• In vitro saiakuntzak egitea elikagaien digerigarritasuna eta metano-ekoizpena aztertzeko.
• Ardietan eta behietan estrategia esperantzagarrienak baliozkotzea, ekoizpen-egoera errealetan.
• Berotegi-efektuko gasen emisioak neurtzea teknologia aurreratuen bidez (esate baterako, arnasketa-ganberak, GreenFeed sistemak eta etxaldeko monitorizazio-ekipoak).
• Errumeneko mikrobioma eta elikagaien eraginkortasuna hobetzearekin lotutako mekanismo biologikoak aztertzea.
• Datuak aztertzea eta interpretatzea, abeltzaintza-sektorearentzat ezagutza erabilgarria sortzeko.

Zer eskaintzen dizugu?

• Iraupen luzeko heziketa-programa bat, abeltzaintzaren jasangarritasuna ikertzeko ildo estrategiko baten barruan.
• NEIKERrek Arkautiko (Araba) Nekazaritzako Elikagaien Campusean duen animalia-nutrizioko lantaldean sartzea.
• Hausnarkarien nutrizioari, errumeneko mikrobiologiari eta metano-emisioak gutxitzeari buruzko prestakuntza praktikoa.
• Azpiegitura zientifiko bereziak erabiltzeko aukera. Haien artean, RUSITEC sistemak, arnasketa-ganbarak, GreenFeed teknologia, instalazio esperimentalak eta ikerketarako abere-taldeak.
• Abeltzaintza jasangarriago eta lehiakorrago baterako trantsizioa lortzen zuzenean laguntzen duten proiektuetan lan egiteko aukera.
• Argitalpen zientifikoetan eta transferentzia teknologikoko jardueretan parte hartzea, eta nekazaritzako elikagaien sektoreko enpresekin lankidetzan aritzea.

Bilatzen ari garen profila

Biologiako, Bioteknologiako, Ingurumen Zientzietako, Agronomiako, Farmaziako, Giza Nutrizioko, Elikagaien Teknologiako, Baso Ingeniaritzako, Matematikako edo biozientziekin lotutako beste titulazio batzuetako unibertsitate-ikasketak amaitu berri dituzten edo amaitzear dituzten pertsonak.

Informazio eta eskaera gehiago

Laster…