Piperraren eta piperminaren ekoizpen prozesuen berrikuntza, barietate erresistenteen eta landan maneiatzeko protokolo berrien bidez
- Proiektuaren hasiera: 2022/10/10
- Proiektuaren amaiera: 2024/10/10
- Finantzatzaileak: Eusko Jaurlaritza
- Aurrekontua: 20.061,66 € (%21,02 finantzatuta)
- Bazkideak: BIHOEL, GILBE, BARRENETXE SCOOP eta NEIKER
Talde operatibo hau Gernikako piper eta Ibarrako pipermin ustiategiek Tobamobirusekin duten arazo larria konpontzeko eratu da (hazi eta kontaktu bidez transmititzen diren birusak).
Barietate autoktono horiek sentikorrak dira birus horiekiko, eta horrek galera ekonomiko handiak eragiten ditu, azkar hedatzen direlako eta iraunkortasun handia dutelako.
NEIKERek tobamobirusarekiko erresistenteak diren Gernikako piper eta Ibarrako pipermin barietateak lortu ditu. Xedea da genetikoki erresistentea den landare materialaren transferentziarekin arazoa konpontzea. Material hori historikoki birus horiek kaltetutako ustiategietan probatuko da.
Gainera higieneari buruzko praktika kulturalen protokolo adostu bat egin eta zabalduko da, birusak erresistentzia gene horiei gailentzeko arriskua gutxitzeko.
