Paratuberkulosia munduko esne behien ustiategietan zabalduen dauden eta eragin ekonomikorik handiena duten gaixotasunetako bat da.

Frogatuta badago ere txertoa dela kontrolerako tresnarik efizienteena, horren erabilera ez dago baimenduta, behien tuberkulosia diagnostikatzeko izan dezakeen interferentziagatik.

Egoera horren aurrean, kontrolaren oinarrian neurri higieniko-sanitarioak erabiltzea eta laborategiko teknikekin detektatu diren animalia infektatuak abere taldetik ateratzea daude, beste ezer gutxi.

Horregatik, garrantzitsua da kutsatutako buruak prozesuaren lehen faseetan detektatzeko tresnak edukitzea, gaitza beste animalia batzuei transmititzeko gai izan baino lehen.

Testuinguru horretan, NEIKERek, Nekazaritzako Elikagaien Ikerketa eta Garapenerako Eskualdea Zerbitzuarekin elkarlanean (SERIDA), frogatu du ELISA testa, ABCA13 biomarkagailuaren detekzioan oinarrituta dagoena, gai dela infekzioaren forma latenteak dituzten animaliak identifikatzeko, diagnostikorako beste metodo batzuek baino sentsibilitate handiagoarekin.

Azterketa finantzatu dute Nekazaritza Ikerketetarako Institutu Nazionalak (INIA RTA-2014-00009-C02), Zientzia, Berrikuntza eta Unibertsitate Ministerioak (MICINN RTI2018-094192-R-C22), Eskualdeak Garatzeko Europako Funtsek (EGEF) eta PCTI 2018–2020 eskualde funtsek (GRUPIN: IDI2018-000237).

Informazioa gehiago