“Eskoletako Urmaelen Sarea” ekimenean parte hartzen dugu

• Aranzadi Zientzia Elkarteak eta Ingurugelak sustatutako proiektu bat da, ikasle gaztetxoak ingurumen hezkuntzan trebatzeko eta zientziarekiko interesa pizteko.

Urmaelak laborategi natural erakargarria izan daitezke, txikienek zientziarekiko interesa izan dezaten eta ingurumenari buruz gehiago ikas dezaten. Ildo horretan, Aranzadi Zientzia Elkarteak eta Ingurugela Eusko Jaurlaritzaren Ingurumen Hezkuntzako Sareak duela urte batzuk jarri zuten abian “Eskoletako Urmaelen Sarea” izeneko ekimena; horretan, urmael bat gertu duten eta hezkuntza helburuetarako erabil dezaketen ikastetxeak sartzen dira, eta NEIKERek bat egin du ikasturte honetan ekimenarekin.

Urte honetarako gure proposamena urtaro desberdinetan ur putzu horietako eltxoak aztertzea da. Horretarako, prestakuntza hitzaldi bat eman diegu parte hartzen duten ikastetxeetako irakasleei, eta beharrezko materiala eman diegu, ikasleekin larben ugaritasuna aztertzeko eta, horrela, metodo zientifikoa ikasteko gai izan daitezen.

Gainera, dinamika horretan, gai izango dira beren eklosionagailuak sortzeko, bildutako eltxo heldugabeek metamorfosia osatu ahal izateko eta eltxo heldu nola bihurtzen diren ikusteko.

Eltxo horiek NEIKERera bidaliko dira, identifikatzeko. Erronkaren bidez, ikastetxeek Hiritar Zientziaren proiektuan parte hartuko dute, gure lurraldean bizi diren espezieei eta horien banaketari buruzko ezagutza zabaltzen parte hartuz.

Argazkia: Txirrita Herri Ikastetxea