Albisteak

BERRIA

Basoen hobekuntza genetikoa azken belaunaldiko tresna bioteknologikoekin

27 urtarrila 2022

Basoen hobekuntza genetikoa azken belaunaldiko tresna bioteknologikoekin

2019tik NEIKERen eta Costa Rica-ko Baso Ikerketa eta Zerbitzuen Institutuaren (INISEFOR) arteko lankidetza estuaren esparruan, aste honetan Ana Hine doktorea jaso dugu, INISEFOReko zuzendaria. Costa Rica, biodibertsitate handiena duen munduko herrialdea, flora eta fauna kontserbatzeko dituen programa arrakastatsuengatik nabarmentzen da. Azken urteotan, Erdialdeko Amerikako estatu horrek baliabide genetikoak kontserbatzeko hainbat plan ezarri ditu, eta horien bidez, nazioarteko erreferente izatea lortu du baso-landaketen eta baso naturalen maneiu integralean.

Gaur egun, Costa Ricako Baso Ikerketa eta Zerbitzuen Institutuak biologia molekularrean oinarritutako lan-ildo berri bati ekin dio, hobekuntza genetikorako programak azken belaunaldiko tresna bioteknologikoekin ezartzeko. Horrela, basoaren etekin ekonomikoa modu jasangarrian maximizatu nahi da, biodibertsitatearen kontserbazioa eta hazkundea alde batera utzi gabe.

Hine doktoreak NEIKERera egindako bisitak aukera emango du bi erakundeen artean ezagutzak trukatzeko, NEIKERek esperientzia handia baitu baso-baliabideen hobekuntza orokorrean.

Related posts