Abeltzaintza jasangarria eta animali osasuna NEIKERen jardueraren funtsezko bi elementu dira.
Gura taldeek soluzio berritzaileak garatzen dituzte, abeltzaintzako ekoizpen unitateen efizientzia, lehiakortasuna, errentagarritasuna eta jasangarritasuna hobetzera zuzenduak, baita horien iraunkortasuna bermatzera ere, belaunaldien arteko erreleboa erraztuko duten produkzio sistemen bitartez.
Gure ikerketa proiektuen xedeak dira animalien osasuna hobetzea, beste animalia batzuei eta gizakiei gaixotasunak transmititzea prebenitzea, animalien genetika hobetzea eta abereen elikadura eta nutrizioa optimizatzea. Hori guztia, erabilgarri dauden tokiko baliabideetan oinarrituta, ingurumenera egokituz eta errespetatuz, animali ongizateko estandar handiak betez, eta animali jatorriko kalitate bereziko elikagaiak lortuz.
Animalien ongizatea sustatzen dugu.
Gure ikerketa lerroak animali ekoizpenari dagokionez.
Animalien genetika hobetzea
Animalien genetika hobetzea
Kontserbazio eta hobekuntza genetikoko programak garatzen ditugu, Euskal Autonomia Erkidegoan dauden abere arrazen ekoizpenaren errendimenduak eta ezaugarri funtzionalak handitzeko, bereziki autoktonoei dagokienez, hainbat elkarte eta ikerketa zentrorekin lankidetzan.
Etologia aplikatua eta animalien ongizatea
Etologia aplikatua eta animalien ongizatea
I+G lerro batzuk ditugu irekita, animalien portaerari buruzko ezagutza sortzeko, batez ere abikulturan eta ardi ekoizpenean, eta, hortik abiatuta, tresnak garatzen ditugu eta abeltzaintza sistemetan hobekuntzak proposatzen ditugu, animalien ongizate handiagoa lortzeko eta produktibitatea optimizatzeko.
Abereen elikadura eta nutrizioa
Abereen elikadura eta nutrizioa
Ikerketa proiektuak garatzen ditugu aziendaren elikaduraren efizientzia hobetzeko, tokiko baliabideak baliarazteko, batez ere artzaintzaren bitartez eta bazkaren kalitatea hobetuz, elikaduraren kostuak optimizatzeko, bioekonomia zirkularraren kontzeptuaren barruan, abeltzaintzari lotutako isurketak eta ingurumen inpaktua murrizteko, eta lortutako elikagaien kalitatea handitzeko.
Animali ekoizpeneko sistemak
Animali ekoizpeneko sistemak
Azterketak garatzen ditugu abeltzaintzako sistema eraginkorragoak ea jasangarriagoak diseinatzeko, eta elkartutako ekosistemen zerbitzuak ebaluatzeko, hainbat aldagai kontuan hartuta, hala nola baliabide naturalen aprobetxamendua, inpaktu tekniko-ekonomikoa, lortutako produktuen kalitatea, eta jardueraren onargarritasun soziala.
Animali osasunaren arloari dagokionez, gure ikerketa lerroen barruan dauden zaintza epidemiologikoa, diagnostikorako teknika berrien garapena eta abereei zein baso espezieei eragiten dieten gaixotasunen kontrola, gizakiarekin partekatzen dituzten gaixotasunak barne. Horrenbestez, egiten dugun lanak balioa ematen dio sektoreari, eta gizakiok kontsumitzeko elikagai seguruagoak ekoizten direla bermatzen du.
Zoonosia eta elikagaien segurtasuna
Zoonosia eta elikagaien segurtasuna
Abeltzaintzako ekoizpen unitateetan osasun publikorako interesgarriak diren patogeno bakterianoak detektatu, isolatu eta karakterizatzen ditugu, horien artean egonik Salmonella spp., Campylobacter spp., Listeria monocytogenes eta E. coli berotoxigenikoa, egoera epidemiologikoa ezagutu ahal izateko, eta kontrol neurrien eraginkortasuna egiaztatzeko. Halaber, antibiotikoekiko erresistentzia ere aztertzen dugu, erresistentzia horiek giza osasunean duten eragina analizatzeko, eta abeltzainek erabili ditzaketen alternatibak bilatzeko.
Ingurumen biosegurtasuna, basoko fauna eta bektoreak, pertsonentzako zein animalientzako infekzio iturri gisa
Ingurumen biosegurtasuna, basoko fauna eta bektoreak, pertsonentzako zein animalientzako infekzio iturri gisa
NEIKERen basoko faunaren gaixotasunak zaintzeko eta garaiz detektatzeko planak definitzeko lan egiten dugu, etxeko espezieetan eta gizakiengan eragin potentziala duten prozesuak aztertu eta prebenitu ahal izateko. Etxeko animaliei zein basokoei eta gizakiei gaixotasunak transmititzen dizkieten artropodo, bakterio, birus, parasito eta onddoen banaketa aztertzen dugu. Gainera, gure lurraldean sartzen diren bektore berriak zaintzen ditugu.
ARGITALPENAK
Ekoizpen zientifikoa garatzen dugu, gure ikerketa arloetan estatuan zein nazioartekoan aitortua.
TESIAK
Prozesuak optimizatzeko eta hobetzeko neurriak hobetzen, berresten edo proposatzen laguntzen duten proiektuak gidatzen ditugu eta parte hartzen dugu.
TALDE ESPEZIALIZATUAK
Sareak sortzen ditugu, bokazio batez ere aplikatuarekin, eta sortutako ezagutzen transferentziara zuzendua.
NEIKEReko Animalia Ikerketako taldeak I+G+B proiektuak garatzen ditu, animali ekoizpeneko sistemak optimizatzeko eta ustiategien zein basoko faunaren osasuna bermatzeko.
Informazio gehiago nahi duzu?
Esperientzia handiko talde bat dugu zure zerbitzura.