Pinaceae espezieetan landare-material hobetua garatzeko tresna bioteknologikoak
- Proiektuaren hasiera: 2025eko iraila
- Proiektuaren amaiera: 2029ko abuztua
- Ikertzaile nagusia: Paloma Moncaleán
- Finantzatzailea: Zientzia eta Berrikuntza Ministerioa
- Programa: Estatu-plana. I+G+Bko proiektuak
- Deialdia: Erronkak
- Erreferentzia: PID2024-156220OB-C32
- Akronimoa: BETREES
- NEIKERen aurrekontua: 150.000 €
- Bazkideak: Valentziako Unibertsitatea, IIAG-CSIC eta NEIKER
Helburu orokorra
Proposamenaren helburu nagusia da tresna bioteknologikoak sortzea eta baliozkotzea, landare-material hobetua garatzeko, Pinaceae espezieak (Pinus pinaster, P. radiata) eta Fagaceae espezieak (Castanea sativa, Quercus ilex eta Q. suber) estres abiotikoetara (lehorteak, tenperatura altuak) eta biotikoetara (patogeno fungikoak) egokitzeari buruzko ezagutza areagotzeko.
Helburu zehatzak
Landare-material eskuragarriaren ezaugarriak zehaztea:
- Genotipo hobetuak eta aurreko proiektuetan sortutako landare-materiala aztertzea, zelula-lerro enbriogenikoak, in vitro landareak eta lursail esperimentaletako 6-10 urteko zuhaitzak barne hartuta.
- Transkriptomak, metabolitoen profilak, fenolen eta terpenoen profilak eta zuraren kalitatea aztertzea, eta tolerantzia gurutzatua ebaluatzea.
Enbriogenesi somatikoko (SE) protokolo berriak zehaztea:
- Estres biotikoari hobeto erantzungo dioten Castanea, Pinus eta Quercus genotipoak sortzea, priming fisiko, kimiko edo biologikoko tratamenduen bidez edo edizio genetikoaren bidez.
- Protoplastoetatik abiatuta, landareak birsortzeko protokoloak garatzea hainbat espezierentzat.
Mikrohedapen-prozedurak optimizatzea:
- Enbriogenesi somatikokoaren indukzioa hobetzea in vitrorako egokiak ez diren espezie edo genotipoetan.
- Enbrioi somatikoen heltzea eta bihurketa eta Quercus ilex espeziearen landare somatikoen aklimatazioa optimizatzea.
- Estrategiak inplementatzea, hala nola in vitro txertoak edo aldi baterako murgiltze-sistemak (TIS).
Hotzean biltegiratzeko protokoloen efizientzia hobetzea:
- Epe luzeko kontserbazio-metodo merkeagoak eta jasangarriagoak garatzea Pinus radiata, Quercus ilex eta Castanea sativa enbriogenia-lerroetarako.
- Pinus, Quercus eta Castanea espezieen editatutako lerroak kriobabestea.
Baso-saiakuntza mistoak ezartzea:
- Proiektuan sortutako material klonalaren landaketa esperimentalak eratzea, P. radiata, P. pinaster eta C. sativa espezieetako barietateak barne hartuta.
- Helburu horien bidez lortu nahi dena da baso-zuhaitzak klima-aldaketara egokitzen laguntzea eta baso-baliabideen erabilera jasangarria bultzatzea, bioekonomia-testuinguruan.
