NEIKERetik jakinarazi nahi dizuegu, koronabirusaren krisiaren ondorioz Euskadiko Babes Zibileko Plana aktibatu delarik, hainbat neurri jarri ditugula martxan gure bezero eta bazkideei arreta emateko, eta, aldi berean, neurri sanitario, teknologiko, administratibo, jendearentzako arretako eta antolamendukoak hartu ditugula.

Derioko eta Arkautiko Animalia Osasun, Baliabide Naturalen Kontserbazio eta Landare Osasuneko laborategiek martxan jarraitzen dute, nahiz eta lan garrantzitsu eta urgenteetan zentratzen ari garen. Partaide garen proiektuetan ere lanean jarraitzen dugu.

Hori guztia, neurri hauek hartuz:

– Telelana ezarri dugu gure egoitzetara joan beharrik gabe normaltasunez egin daitezkeen funtzio guztietan. Presentzia ezinbestekoa denean, txandak antolatu ditugu, behar den gutxieneko pertsona kopuruarekin.

– Bitarteko telematikoak erabiltzen ditugu (deiak, mezuak edo bideokonferentziak) bilerak egiteko eta lana koordinatzeko.

– Gure ekitaldi, desplazamendu eta egonaldiak bertan behera utzi ditugu, egoera normalizatu arte.

Edozein gai kontsultatu behar badiguzu, zalantzarik gabe jarri harremanetan NEIKERekin, zure ohiko solaskideen bitartez edo gure arretarako telefonoen bitartez: Derioko egoitza, 944 034 300; Arkautiko egoitza, 945 121 313.