WEBINAR: abeltzaintzako ustiategien jasangarritasuna. Berrikuntzaren eta lehiakortasunaren alde

Abeltzaintzako ustiategien errentagarritasunak eta elikadurak lotura handia dute jasangarritasunarekin, alderdi ekonomikoei, ingurumenekoei eta sozialei dagokienez.

Foroa Dairy-4-Future proiektuaren esparruan elkartuko da, eta nutrizio, ingurumen eta sozioekonomiako aditu ospetsuek hainbat alderdi landuko dituzte, sektoreko abeltzainak eta teknikariak konektatzeko, eta sektorean etorkizuneko berrikuntzak inspiratzeko.

 

 

EGITARAUA
10:30	Ongietorria eta aurkezpenak
10:35	Dairy4Future proiektuaren aurkezpena. Pilar Merino
10:45	Esnekien merkatuaren perspektibak eta esne ustiategien jasangarritasuna. Francisco Sineiro
11:05	Esne sektorearen balio katearen gabezia estrukturalak. Jorge Santiso
11:25	Elikaduraren estrategia eta igorpenen balorazioa esne ustiategietan.Gregorio Salcedo
11:55	Kasu praktikoak: berrikuntza elikaduran. Mabegondo eta Fraisoro. Cesar Resch y Aser García
12:15	Itxiera eta eztabaida

 

Hizlariak:

PILAR MERINO

Pilar Merino aditua da nekazaritza eta abeltzaintzako sistemetan berotegi gasak eta amoniakoa murrizteko estrategien ebaluazioan. Lurretik zein kokaleku desberdinetako abeltzaintza sistemetatik (ostatatzea, biltegiratzea eta tratamendua) datozen igorpenak zehaztapena prestatu du. Proiektu nazionalak eta nazioartekoak koordinatu ditu, erabakiak hartzen laguntzeko sistemak garatzeko, abeltzaintzako produkzio sistemetan erabiltzen diren teknikarik onenak simulatuz eta modelizatuz.

ASER GARCIA

Aser Garciaren esperientzia ikertzailea batez ere animalien nutrizioaren arloan kokatzen da, izan hausnarkariak zein hegaztiak, eta, zehazki, elikagai aberastuak lortzeko hainbat osagai ebaluatu ditu, elikadura osasungarria izateko molekula interesgarriak aztertuz, eta bakterio mesedegarrien komunitateen hazkundea modulatzeko, animalien digestio traktuan, metano igorpenak murriztkeo helburuarekin.

GREGORIO SALCEDO

Gregorio Salcedo Diaz, Nekazaritzako teknikaria LHko irakasle teknikoa. 1990. urtetik, 2017ko azaroaren 5era arte, uztartu egin ditu irakasle lana eta ikerketa, “Animalia eta Landare Ekoizpena”-ren esparruan. Bere lan arloa da “Esnearen ekoizpena larreen arabera”. 2006tik gaur egunera arte, nekazaritzaren ingurumen alderdietara zabaldu du bere ezagutza, eta software batean integratu du esnearen ekoizpenaren sektoreari buruz aurreko ikerketa etapetan lortutako ezagutza sakona.

FRANCISCO SINEIRO

Ingeniari Agronomoa, Doktorea. Santiagoko Unibertsitateko Nekazaritzako Ekonomiako irakasle ohia; aurrez, INIAko ikertzaile lanetan jardun zuen, eta ondoren kudeatzaile publikoa izan zen Nekazaritza Ministerioan eta Galiziako Xuntako Nekazaritza Kontseilaritzan.

INIAn garatu zuen lan arloa haragitarako behien eta ardien ekoizpen sisteman zentratu zen, eta Unibertsitatean, berriz, esne sektorearen eta nekazaritzako elikagaien industriaren ekonomia landu zuen.

JORGE SANTISO

Ingeniari Agronomoa. Garapen profesionala hainbat arlotan: nekazaritzako azalera, estatistika publikoa eta administrazio publikoen kudeaketa (Nekazaritza Ministerioa, Nekazaritza eta Ingurumen Kontseilaritzak, Augas de Galicia).

Irakasle elkartu ohia Santiago de Compostelako Unibertsitatean, Ekonomia Aplikatuaren arloan. Esne sektoreari, lanbide arteko harremanei eta lehiaren defentsako politikei buruzko lanak eta argitalpenak.  ECOAGRASOC, USC ikerketa taldeko kanpo kolaboratzailea (Nekazaritzako Elikagaien eta Ingurumen Ekonomia, Landa Garapena eta Ekonomia Soziala).