POLITA

Helburu orokorra:

Jardunbide agroekologiko berritzaileak diseinatzea artropodo onuragarrien komunitateak sustatzeko eta haien zerbitzu ekosistemikoak bultzatzeko (alegia, polinizazioa, kontrol biologikoa, laboreen osasuna eta artropodoek fruituei mikrobiota transferitzea), nekazaritzako sektorearen erresilientzia eta lehiakortasuna, bereziki mahatsaren nahiz sagarraren ekoizpenari dagokionez, hobetzeko bitarteko modura.

Helburu zehatzak:

• Artropodo interesgarrien ezaugarriak, nekazaritzako ekoizpen-sistemen definizioa eta arau-esparruaren testuingurua.
• Artropodoen komunitateak sustatzeko irtenbide pilotuak.
• Ezagutzak transferitzea nekazaritzako sektorera eta politika publikoetara.

Emaitzak:

Artropodoak aldameneko landareekin elkarreraginean aritzeak laguntzen du mikroorganismoak transferi dakizkien, eta mikroorganismook eginkizun eta propietate garrantzitsuak dituzte ardoa nahiz sagardoa erdiesteko hartzitze-prozesuan.

Upeltegian sartzen den mikrobiotaren trazabilitatearen azterketan dago berritasuna —landaretik intsektuarengana, eta harengandik baiara eta sagarrera—, hura aztertu ondoren, erabaki dadin zein den hartziduretarako mikrobiotarik interesgarriena ardoa eta sagardoa askotariko agroekosistemetan elaboratzeko prozesuan.

Bestalde, sagarrondoaren laborantza bultzatuz, eta, horrekin batera, baratzeetan ohikoak ez diren kudeatze-jardunbide berriak planteatuz, aukera egongo da polinizatzaileek ekoizpenean zer-nolako eginkizun betetzen duten balioesteko.