Karbono-nekazaritzako jarduerak sustatzea laborategi bizidunen bidez Mediterraneoan eta Europa hegoaldean, Europako lurzoruen etorkizun osasungarrien alde
- Proiektuaren hasiera: 2024ko irailak 1
- Proiektuaren amaiera: 2029ko irailak 1
- Ikertzaile nagusia: Olatz Unamunzaga
- Finantzatzailea: Europar Batasuna
- Programa: HORIZON-MISS-2023-SOIL-01-09: Karbono-nekazaritza laborategi bizidunetan
- Deialdia: XXX
- Erreferentzia: Grant no. 101157414), HEU Mission Soils
- Akronimoa: LILAS4SOILS
- Guztizko aurrekontua: 11.609.422,15 euro (NEIKER: 590.200,13 euro).
- Finantzatutako ehunekoa: % 100
- Bazkideak: EIT Food South, Instituto Tecnológico Agrario de Castilla y León, Food4Sustainability, Agri Sud Ouest Innovation, Universita Cattolica Del Sacro Cuore, Agricultural University of Athens, Galilee Research Institute, NEIKER, CarbonChange, BGI, Climate Farmers, DANONE, CSIC, INIAV, Perrotis College, Agrarias de Castilla y León, BIOSPHERES, Confagricoltura Veneto, ETHEAS, GRANOT, ERSAF, RoCG, Upper Galilee Regional Council eta European Conservation Agriculture Federation.
- Webgunea: www.lilas4soils.eu
Helburu orokorra:
LILAS4SOILSen helburu orokorra da Mediterraneoan eta Europa hegoaldean karbono-nekazaritza sustatzea eta Europako nekazaritza-sektorea lurzoru osasungarriko eta emisiorik gabeko sistema bihurtzeko prozesua bizkortzea eta, horretarako, I+Bko ikuspuntu parte-hartzailea baliatzea eta lehen mailako ekoizleak praktika jasangarrien lehen lerroan kokatzea. Helburu hori lortzeko, LILAS4SOILSek nekazaritza-sektoreko eragile ugari inplikatuko ditu karbono-nekazaritzako jardunbideak batera sortu eta ezartzeko, eskualdeko ustiategien errealitatean oinarrituta.
Helburu zehatzak:
- Baterako sorkuntzako prozesuak 6 herrialdetan kokatuta dauden 5 laborategi bizidunen bidez egingo dira (ikus 3. irudia). Karbono-nekazaritzako jardunbide horiek 85-100 demostrazio-gunetan frogatuko dira (laborategi bizidun bakoitzeko 20, gehienez), nekazaritza-sistemen sorta batean (gaur egun ohiko nekazaritza edo ekologikoan dihardute) eta klima-aldaketaren ondorioak eragin handia izaten ari diren inguru pedoklimatikoetan. Aplikatuko diren karbono-nekazaritzako jardunbideak honako hauetan zentratzen dira nagusiki: 1) zohikaztegien kudeaketa, 2) nekazaritza eta basozaintza, 3) lurzoruko karbono organikoa mantentzea eta hobetzea, 4) ganaduaren eta simaurraren kudeaketa, eta 5) mantenugaien, pestiziden eta ongarrien kudeaketa. Karbono-nekazaritzako jardunbideen azken erabiltzaileen (nekazariak, nekazaritzako elikagaien enpresak) konpromiso aktibori esker, jardunbideok hartzea eta epe luzera eragin nabarmena izatea bermatuko da. Karbono-nekazaritzako jardunbideek karbonoa bahitzeko duten potentziala, haien dinamika eta lurzoruaren osaeran duten eragina (albo-onurak barne) ebaluatzeko, jarraipen-, jakinarazpen- eta egiaztapen-teknologia aurreratu eta berritzaileenak erabiliko dira; hartara, metodoak normalizatzen lagunduko da, karbono-nekazaritzako eta etorkizuneko karbono-kredituen merkaturako ziurtapen-esparru argi eta fidagarria eskaintzeko. Gainera, hirugarrenei finantza-laguntza emateko mekanismo bat jarriko da abian, batetik, laborategi bizidunen eta karbono-nekazaritzako jardunbideen aplikazioan parte hartzen duten nekazarien kopurua handitzeko, eta, bestetik, ohiko neurketa-metodoen errentagarritasun-mugak gainditzen dituzten jarraipen-teknologia berritzaileak probatzeko.
.
