POCTEFA eremuko hegazti-birus emergenteak: zaintzatik arrisku-ebaluaziora
- Proiektuaren hasiera: 2026/01/01
- Proiektuaren amaiera: 2028/12/31
- Ikertzaile nagusia: Marta Barral
- Finantzatzailea: INTERREG + FEDER
- Programa: INTERREG POCTEFA 2021-2027
- Deialdia: 2025
- Erreferentzia: EFA 279/06
- Akronimoa: AVES
- Partzuergoaren aurrekontua, guztira: 1.836.133,51 € (% 65 finantzaturik)
- NEIKERen aurrekontua: 94.079,25 € (% 65 finantzaturik)
- Bazkideak: ENVT (IHAP ENVT-INRAE) – Jean-Luc GUERIN (koordinatzailea), NEIKER, IRTA (CReSA), UAB, UCLM eta ANSES
Helburu orokorra
AVES proiektuak helburutzat du mugaz haraindiko sare bat egituratzea hegaztien gaixotasun biral emergenteen ikerketa-taldeez osatua. Estrategia berritzaileak garatzea POCTEFA eremuko hegazti eta ugaztunetan hegazti-birus emergenteen (hegazti-influentza eta ortoflabibirusa) zaintza hobetzeko. Eta erabiltzea; hartarako, ingurumen-ikuspegi berritzaileak eta herritarrak oinarri hartzen dituen partaidetzazko zientzia, eta kate guztia integraturik, bai landa-laginketa, bai eboluzionatzeko eta askotariko espezie ostalariei egokitzeko arriskua sakon karakterizatzea, bai ostalariaren ekologiarekiko interakzioa.
Helburu espezifikoak
- Hegaztien (basak/gatibuak/merkataritzakoak) eta eltxoen populazioen ikuspen osoa lortzea, hegazti-birus emergenteen kutsapenaren testuinguruan.
- Estrategia berritzaileak saiatzea goiz detektatzeko eta hegazti-birusek ekosistemetan duten dinamika argitzeko.
- Detektatutako hegazti-influentzaren birusak eta ortoflabibirusak karakterizatzea, haien eboluzio-dinamika eta basa hegaztietatik etxeko hegazti eta ugaztunei, baita gizakiei ere, hedatzeko arriskua ebaluatzeko, in vitro, ex vivo eta in vivo ikuspegiak erabilita.
