BERRIA
AGENDA APIRILAK 9: mahatsondo-haztegiei buruzko landa-jardunaldia, kalitatearen jatorria mahastietan
10 martxoa 2026
2026ko apirilak 9
08:30 – 18:00
Viveros Villanueva eta Vitis Navarra mahats-mintegiak eta Lizarrako alkohol-fabrika (AGRALCO).
Nafarroara egingo dugun irteera tekniko honetan parte hartzera gonbidatzen zaituztegu. Bertan, mahastizaintza eta upandegigintza sektoreko funtsezko prozesuak bertatik bertara ezagutzeko aukera izango dugu.
Goizean, Larragako bi mahasti-mintegi bisitatuko ditugu bertako teknikarien eskutik: Viveros Villanueva eta Vitis Navarra. Biak ala biak 100 urte baino gehiagoko ibilbidea dute, eta mahasti-landare txertatuen ekoizpen-fase nagusiak ikusteko aukera emango digute. Horrez gain, eskura dagoen landare-materiala ezagutuko dugu —txertatze-oinak, barietateak, klonak eta masa-hautaketak—, baita mintegi bakoitzak garatzen dituen lan berritzaileenak ere. Aukera paregabea izango da iritziak trukatzeko, zalantza teknikoak argitzeko eta gure mahastien planifikazioari eta etorkizunari buruz segurtasun handiagoz hausnartzeko.
Arratsaldean, Lizarrako alkoholera (Agralco) bisitatuko dugu. Bertan, mahatsaren eta ardoaren azpiproduktuen kudeaketa eta aprobetxamendu energetikoaren faseak erakutsiko dizkigute. Gainera, lortutako produktuak eta bakoitzari lotutako erauzketa-prozesuak zuzenean ezagutuko ditugu.
Laburbilduz, gure sektoreari buruzko ezagutzak zabaltzeko eta ekoizleen eta teknikarien arteko harremana sendotzeko pentsatutako jardunaldia da.
Interesatzen zaizu? Etorri gurekin datorren apirilaren 9an! Plaza mugatuak! Arreta tekniko hobea bermatzeko, edukiera mugatua da. Ziurtatu zure lekua lehenbailehen.
- NORI ZUZENDUA: Mahastizainei, upategi-jabeei eta ardogintzako sektoreko profesionalei.
EGITARAUA
08:30 | Autobus irteera “La Huerta Vieja” jatetxeko aparkalekutik (Guardia)*.
10:00 – 14:00 | Bisita gidatua Viveros Villanueva eta Vitis Navarra mintegietara. Ekoizpen prozesuak eta berrikuntza landare-txertoetan.
14:00 – 15:00 | Bazkaria.
15:30 – 17:00 | Bisita Lizarrako alkoholerara (AGRALCO). Erauzketa prozesuak eta azpiproduktuak.
17:00 – 18:00 | Itzulera Guardiara*.
*Izena ematen duten pertsonen kopuruaren eta jatorriaren arabera, beste bidaia-aukera batzuk baloratuko dira (irteera-lekua, bertaratuen arteko koordinazioa, etab.).
