AGENDA MAIATZAK 27: artaldeetan karbono-aztarna nola murriztu ikasteko jardunaldi irekia

NEIKERek Arkautiko campusean duen latxa arrazako ardi-taldeak artalde berritzaile gisa parte hartzen du LIFE GREEN SHEEP proiektuan. Proiektuaren esparruan, Karbono Gutxiko Ekintza Plan bat diseinatu dugu, ingurumen-inpaktua arintzeko eta iraunkortasuna hobetzeko. Zehazki, karbono-aztarna % 12 baino gehiago murriztea da helburua, baita beste ingurumen-alderdi batzuk hobetzea ere, hala nola lurzoruaren osasuna eta emankortasuna, belar-ekoizpena, etab.

Gure esperientzia partekatzeko asmoz, ate irekien jardunaldi hau antolatu dugu abeltzainentzat, aholkularientzat eta Latxa arrazako ardien sektoreko eragileentzat bereziki.

Bisitan, artaldea, instalazioak eta metano enterikoaren emisioak neurtzeko ekipo nagusiak aurkeztuko ditugu, baita helburua lortzeko aplikatzen ari garen maneiu-praktika berritzaileak ere.