Mahastizaintzarako irtenbide jasangarriak garatzea, hazkuntzara bideratutako eragile anitzeko berrikuntzaren bidez, izurriteen kudeaketa integraturako
- Proiektuaren hasiera: 2024/04/01
- Proiektuaren amaiera: 2028/03/31
- Ikertzaile nagusia: Ana Díez
- Finantzatzailea: EB
- Programa: HORIZON-CL6-2023-BIODIV-01 (Biodiversity and ecosystem services)
- Deialdia: HORIZON-RIA 2023
- Erreferentzia: HORIZON-CL6-2023-BIODIV-01-14
- Akronimoa: GrapeBreed4IPM
- Guztizko aurrekontua: 5. 106 €
- Finantzatutako ehunekoa: % 100
- Bazkideak: Nekazaritza, Elikadura eta Ingurumen Ikerketako Frantziako Institutua (INRAE) proiektuaren buru da, nazioarteko hemezortzi bazkiderekin eta bi bazkide elkarturekin lankidetzan. Hauek dira: Julius Kühn-Institut – Landare Landuen Ikerketako Alemaniako Zentro Federala; Istituto di Genomica Applicata; Edmund Mach fundazioa; Mahastien eta Ardoaren Frantziako Institutua; Mahastizaintzaren Friburgoko Estatu Institutua; INRAE Transfert; Ludwigshafengo Enpresa eta Gizarte Unibertsitatea; Rauscedo mintegi kooperatiboak; Horta; Ekonomia, Garraio, Nekazaritza eta Mahastizaintzako Alemaniako Ministerioa; Ardoaren plataforma teknologikoa; Jatorrizko-deitura eta adierazpen geografikoa duten ardoen lanbide arteko Espainiako Batzordea; NEIKER; Mercier, pépiniériste viticole; Alemaniako mahatsondo-landareen ekoizleen elkartea; Onddoekiko erresistenteak diren mahats-barietateak sustatzeko lantaldea; Moët Hennessy; ; Foncalieu Nekazaritza Ekologikoaren eta Mahastien Ikerketa Institutua.
Helburu orokorra:
Gaixotasun garrantzitsuekiko erresistenteak diren mahatsondo-barietateak garatzea, tokiko ingurumen-, edafologia- eta klima-baldintzetara egokituta, pestizida kimikoekiko mendekotasuna murrizteko. Bestalde, kontsumitzaileek mota horretako barietate erresistenteak onartzen ote dituzten ere aztertuko du proiektuak. Barietate horiek nahiko berriak dira eta horiekin egindako ardoa ez da hain ezaguna izan orain arte, barietate tradizionalekin alderatuta. Gainera, proiektuari esker, nekazari, mahastizain eta aholkulariek izurriteen kudeaketa integraturako jardunbide onak eta jarraibideak izango dituzte Europan ingurumena gehiago errespetatzen duen eta jasangarria den mahastizaintza lortzeko —aspalditik espero da hori—.
Helburu zehatzak:
- Balio-kateko eragileen ikuspegi komuna elkarrekin diseinatzea eta eskualdeak sinkronizatzea.
- Mahatsondoaren patogenoekiko suszeptibilitatearen eta erresistentziaren oinarri molekularrak eta mahatsondoak ingurumenarekin dituen interakzioak hobeto ulertzeko ikerketa-ahalegina egitea.
- Gaixotasunekiko erresistenteak diren barietate berrien eta askotarikoen elkartze parte-hartzailea.
- Gaixotasunekiko erresistenteak diren barietate enblematikoak lortzeko ikerketa-ahalegina egitea, ardoen ezaugarriak aldatu gabe.
- Jardunbide egokien tresnak eta jarraibideak diseinatzea eta zabaltzea.
