KONTAKTATU GUREKIN

BARIETATEAK ESKATZEA

NEIKER-BRTAren germoplasma bankuak ikerketa zentro publiko eta pribatuek zein partikularrek haziak eskuratzeko eskaerei erantzuten die, bankuan dagoen eskuragarritasunaren arabera.

Materiala eskatzeko, mezu elektroniko bat bidali behar duzu jiruiz@neiker.eus edo info@neiker.eus helbideetara, informazio honekin:

Eskaera egiten duen pertsona eta erakundea
Eskaeraren helburua
Bidaltzeko posta helbidea
Eskatutako sarreren kodea edo izena
Egin nahi dizkiguzun iruzkinak

Oro har, 15-20 hazi bidaliko dira, eskuragarritasunaren eta espeziearen arabera. Gomendatzen da eskatzaile partikularrek eskatutako sarreren haziak ugaltzea, etorkizunean erabili behar izanez gero. Patataren kasuan, 10 tuberkulu inguru bidaliko dira edo, hala badagokio, eskatutako sarrera bakoitzeko 2 in vitro plantula.

Nagoyako Protokoloaren aplikazioarekin bat eginda, baliabide fitogenetikoak erabiltzearen onuren banaketa bidezko eta ekitatiboari dagokionez, erakunde eskatzaileek materiala transferitzeko elkarrekin adostutako baldintzei buruzko dokumentua bete eta sinatu beharko dute (MTA), esteka honen bidez: https://mls.planttreaty.org/itt/index.php

Akordioa tramitatu ondoren, eskatzaileak kopia bat jasoko du eta eskatutako haziak posta bidez bidaliko dira. Material horren hartzaileak konpromisoa hartzen du jasotako materiala, edo haren zati bat, beste pertsona edo erakunde bati ez eskualdatzeko, baita eskaeran agertzen dena ez den beste helburu baterako ez erabiltzeko ere.

Partikularrengandik datozen eskaerek (erakunde edo enpresarekin loturarik ez duen eskatzailea), baldin eta helburua ez bada baliabidea ikerketa edo merkataritza helburuekin erabiltzea, ez dute Materiala Transferitzeko Akordioa bete behar.